الحرية

موضوع: الحرية الأربعاء مارس 25, 2009 2:37 pm

السلام عليكم ورحمة الله وبركاته

من منا لايحب الحرية أو أن يكون طليقاً ولكن ماهو مفهوم الحرية؟؟؟؟هذا السؤال له
أجوبة كثيرة ومختلفة أنا بقول رأي ومفهومي

الحرية....هي أن يفعل الانسان كل مايحلو له ولكن بحدود وحذر ودون تعدي على
حياة الأخرين أوحريتهم والانتباه لما يأذينا وينفعنا

أنا أشوفها كدة الحين في مجتمعنا تشوف أنواع العجب من الحرية مع انها غلط
بس تلقاها عادي عندهم
عمر الحرية ماكانت في الغلط بالعكس الواحد عشان يكون حر لازم يسوي
الشي اللي يشوفه صح ويأخذ رأي الكل ويستشيره
أنا صرت اشوف أشياء كثيرة وبصراحة ماعجبتني ولو سألت أي احد راح
يقولك عجبتني أو ما عجبتني وكل واحد ليه وجهة نظر سواء صح أو
غلط بقولكم أشياء كثيرة أشوفها وماعجبتني طيب بس بدون زعل

ببدأ بالشباب قدوتنا قصدي كانوا هههههههههههههههه بس مو كلهم
تلقى الشباب لابسين ملابس ضيقة وبنطلون على الخصر على قولتهم
(بنطلون طيحني) وبدي كت وعريان وتلقى ظهره باين وقميص مفتوح
وصدره باين حتى ليت على نظافة وألوان أحمر ووردي وأصفر وألوان مرة
تقرف وفاقعة ورسومات وورود وقلوب وحركتات حشا بصراحة ماخلوا شي
للبنات لا وأزيدكم من الشعر بيت حتى الثياب مارحموها واكسسورات
وبكلات وكل شي تلقاه واخذه من اخته أو رايح السوق مخصوص يشتريها
بالله هذا رجال كأنه بنوتة مسترجلة هذا غير الشعر الطويل وصبغة وميش
واستشوار وقصات والتسريحات الغبية قال سبايكي تقول قنفذ ماشي

البنات....أمهات المستقبل مربيين الأجيال عشان ماتقولوا متحيزة للبنات مو كلهم
تلقى البنت حاطتلك المكياج الفل أب ولا كأنها رايحة فرح وكيلو مبيض وعباية
مخصرة مرة لدرجة ماتقدر تتحرك من كثر ماهي ضيقة لا وفوق هذا كله
الصدر باين والرجل من تحت باينة كلها وبرمودا وخلخال تقول ماشية تترقص
وكعب عالي ومشالله طويلة ولابسة كعب تقول نخلة ماشية هذا غير الألوان
في عبايتها والشعر باين من جد مسخرة تشوف البدع والمشية بدلع مرة
وبرود من جد لما تمشي وراها تنقهر منها كأنها تقدم فستان في عرض
الأزياء
هذه من بعض أنواع الحرية على قولتهم ولو سألت أي أحد فيهم أو
انتقدته قالك حرية شخصية وين الحرية في هذا كله صايرين نقلد
الغرب بكل شيء تقليد أعمى والمصيبة يقولون موضة وستايل
وكول وحركات وأشياء كثيرة وهم مو داريين عن شيء بس
يقلدوا حتى ياليتوا لايق عليهم هذا رأي وأتمنى الكل يحترمه
وتقبلوه بصدر رحب

حنين الروح